🐆 जुन्नरमध्ये बिबट्याचा घोडीवर हल्ला, परिसरात भीतीचे वातावरण

बातमी शेअर करण्यासाठी येथे क्लिक करा

🐆 जुन्नरमध्ये बिबट्याचा घोडीवर हल्ला, परिसरात भीतीचे वातावरण

आणे/जुन्नर, दि. १9: पुणे जिल्ह्यातील जुन्नर तालुक्यात मानव-वन्यजीव संघर्ष पुन्हा एकदा तीव्र झाल्याचे समोर आले आहे. कावळ पिंपरी (ता. जुन्नर) येथील शेतकरी मारुती पाबळे यांच्या शेतात ही घटना घडली. सोमवारी, दिनांक १७ रोजी रात्री साडेदहाच्या सुमारास दबा धरून बसलेल्या बिबट्याने भाऊसाहेब कोळेकर यांच्या वाड्याच्या बाजूला असलेल्या एका घोडीवर अचानक हल्ला केला.

Advertisements

या हल्ल्यात अंदाजे तीन वर्षांची घोडी जागीच ठार झाली. सामाजिक कार्यकर्ते गणेश पाबळे यांनी या घटनेची माहिती दिली आहे. बिबट्याने केलेल्या या क्रूर हल्ल्यामुळे परिसरातील शेतकरी आणि ग्रामस्थांमध्ये भीतीचे वातावरण पसरले आहे.

Advertisements

जुन्नर तालुक्यात गेल्या काही महिन्यांपासून बिबट्याच्या हल्ल्यांमध्ये लक्षणीय वाढ झाली आहे. पाळीव प्राण्यांना लक्ष्य करण्याच्या या घटनांमुळे शेतकरी भयभीत झाले असून, त्यांना शेतीची कामे करणे कठीण झाले आहे. वन्यजीव लोकवस्तीत येत असल्याने नागरिकांच्या जीवितालाही धोका निर्माण झाला आहे.

Advertisements

हे देखील वाचा: जुन्नर आणि पुणे वनविभागात होणार भव्य निवारा केंद्रे; AI-ड्रोन-कॅमेरा ट्रॅप्सचा वापर: वाचा सविस्तर

शेतकरी आणि पशुपालकांचे मोठे नुकसान होत असल्याने, वन विभागाने या वाढत्या बिबट-हल्ल्यांवर तात्काळ व कायमस्वरूपी उपाययोजना करावी, अशी मागणी जोर धरू लागली आहे. बिबट्यांना सुरक्षितपणे पकडून त्यांना निवारा केंद्रात हलवणे, तसेच जनजागृती करणे महत्त्वाचे आहे.

Advertisements

या वाढत्या घटनांमुळे जुन्नर परिसरातील नागरिकांच्या मनात असुरक्षिततेची भावना वाढली आहे. शेतकरी वर्गाचे हित जपण्यासाठी आणि वन्यजीव-मानव संघर्ष नियंत्रणात आणण्यासाठी प्रशासकीय पातळीवर अधिक ठोस आणि प्रभावी पाऊले उचलण्याची गरज आहे.

Advertisements