पुणे: गेल्या सात वर्षांपासून जन्मठेपेची शिक्षा भोगत असलेला आरोपी येरवडा कारागृहातून पळून गेल्याची घटना बुधवारी दुपारी सुमारे बारा वाजण्याच्या सुमारास घडली आहे. फरार आरोपीचे नाव अनिल मेघदास पटेनिया (वय ३५, रा. म्हारलगाव, पो. वरल, राधाकृष्णनगरी, टिटवाळा, कल्याण, जि. ठाणे) असे आहे. या प्रकरणी वरिष्ठ तुरुंगाधिकारी राजेंद्र वसंत मरळे यांनी येरवडा पोलीस ठाण्यात तक्रार दाखल केली आहे.
अधिक माहिती:
अनिल पटेनिया याला २ जून २०१६ रोजी खुनाच्या प्रकरणी अटक करण्यात आली होती. एक वर्षापूर्वी १२ डिसेंबर २०२३ रोजी त्याला जन्मठेप आणि १५ हजार रुपये दंडाची शिक्षा सुनावण्यात आली होती. सुरुवातीला त्याला नाशिकच्या मध्यवर्ती कारागृहात शिक्षा भोगण्यासाठी ठेवण्यात आले होते.
हालचाल आणि रवानगी:
दरम्यान, १५ जून २०२४ रोजी त्याला नाशिक येथून येरवडा कारागृहात हलविण्यात आले. आरोपी अनिलच्या आचरणामुळे त्याला खुल्या कारागृहात रवानगी करण्यात आली होती. बुधवारी दुपारी कैद्यांची मोजणी करताना अनिल पटेनिया हा कारागृहातून पळून गेला असल्याचे आढळून आले.
तपास आणि पुढील कार्यवाही:
येरवडा पोलिसांनी तक्रार घेतली असून पुढील तपास सहायक पोलिस निरीक्षक विशाल टकले करीत आहेत.
Also read: https://shivnertimesnews.in/धक्कादायक-घटना-पुण्यात-ग/
