विजयस्तंभ अभिवादन कार्यक्रम: वाहतुकीत बदल; विस्तृत माहिती जाणून घ्या
कोरेगाव भीमा: हवेली तालुक्याच्या पेरण्यात १ जानेवारीला विजयस्तंभ अभिनंदन कार्यक्रमासाठी देशभरातून आणि राज्यभरातून मोठ्या संख्येने आंबेडकरी अनुयायी येतात. त्यामुळे ट्रॅफिक जॅमची शक्यता लक्षात घेऊन १ जानेवारीला पुणे-अहिल्यानगर हायवेवर वाहतुकीत बदल करण्यात आले आहेत.
कोरेगाव भीमा-पेरणे येथे विजयस्तंभ भीमा नदीच्या काठी पुणे-अहिल्यानगर महामार्गावर आहे. या ठिकाणी पोहोचण्यासाठी इतर कोणताही पर्यायी मार्ग नाही. त्यामुळे १ जानेवारीला वाहतूक कोंडी होऊ नये म्हणून जिल्हाधिकारी संतोष पाटील यांनी ३१ डिसेंबर २०२४ रोजी संध्याकाळी ५ वाजल्यापासून १ जानेवारी २०२५ रोजी दुपारी १२ वाजेपर्यंत दोन्ही बाजूंनी वाहतुकीत तात्पुरते बदल करण्याचे आदेश दिले आहेत.
हे देखील वाचा: खंडोबा यात्रा: वाहतुकीत महत्त्वाचे बदल
वाहतुकीत कोणते बदल होणार आहेत?
- चाकण ते शिक्रापूर आणि शिक्रापूर ते चाकण या दोन्ही दिशांना सर्व प्रकारची वाहतूक पूर्णतः बंद करण्यात येणार आहे.
- अहिल्यानगरहून पुणे-मुंबईकडे जाणारी जड वाहने शिरुर, न्हावरा फाटा, न्हावरा, पारगाव, चौफुला, यवत, हडपसर मार्गे पुण्याकडे जातील.
- पुण्यावरून अहिल्यानगरच्या दिशेने जाणाऱ्या जड वाहनांना खराडी बायपास मार्गे हडपसरमार्गे पुणे-सोलापूर महामार्गावरून चौफुला, केडगावमार्गे न्हावरा, शिरूर-अहिल्यानगर मार्गावर वळवण्यात येणार आहे.
- तसेच सोलापूर महामार्गावरून आळंदी, चाकण क्षेत्राकडे जाणारी जड वाहने, ट्रक, टेम्पो इत्यादी विश्रांतवाडीमार्गे हडपसर, मगरपट्टा, खराडी बायपास मार्गे आळंदी व चाकणच्या दिशेने जातील.
- मुंबईहून अहिल्यानगरकडे जाणारी जड वाहने, ट्रक, टेम्पो इत्यादी वडगाव मावळ, चाकण, खेड, मंचर, नारायणगाव, आळेफाटा मार्गे अहिल्यानगरच्या दिशेने जातील.
- मुंबईहून अहिल्यानगरकडे जाणाऱ्या कार, जीप इत्यादी वाहने वडगाव मावळ, चाकण, खेड, पाबळ, शिरूर मार्गे अहिल्यानगरकडे जातील असे आदेशात नमूद करण्यात आले आहे.
