स्वातंत्र्यदिन 2025: तुमच्या जिल्ह्यात कोण फडकवणार तिरंगा? वाचा संपूर्ण यादी
मुंबई: भारताचा 79 वा स्वातंत्र्यदिन संपूर्ण देशभरात मोठ्या उत्साहात साजरा होणार आहे. या विशेष दिनानिमित्त महाराष्ट्रातील सर्व जिल्ह्यांमध्ये ध्वजारोहणाचे कार्यक्रम आयोजित करण्यात आले आहेत. महाराष्ट्र सरकारने नुकतीच या जिल्ह्यांमध्ये ध्वजारोहण करणाऱ्या मान्यवरांची अधिकृत यादी जाहीर केली आहे. 🇮🇳
राज्याचा मुख्य शासकीय सोहळा मुंबईतील मंत्रालयात होणार असून, सकाळी ९ वाजता राज्याचे मुख्यमंत्री देवेंद्र फडणवीस यांच्या हस्ते ध्वजारोहण करण्यात येईल. याशिवाय, पुण्यामध्ये राज्याचे राज्यपाल तिरंगा फडकवतील, तर इतर जिल्ह्यांमध्ये विविध मंत्र्यांच्या हस्ते ध्वजारोहण होणार आहे.
स्वातंत्र्यदिनाचा हा सोहळा प्रत्येक भारतीयासाठी अभिमानाचा क्षण असतो. राज्यातील जनतेला या सोहळ्यामध्ये सहभागी होण्यासाठी आणि आपल्या जिल्ह्यातील प्रमुख मान्यवरांना पाहण्यासाठी मोठी उत्सुकता असते. याच अनुषंगाने जाहीर झालेल्या यादीत अनेक प्रमुख नेत्यांची नावे आहेत.
जिल्ह्यानुसार ध्वजारोहण करणाऱ्या मान्यवरांची यादी
- ठाणे: एकनाथ गंगुबाई संभाजी शिंदे
- बीड: अजित आशाताई अनंतराव पवार
- नागपूर: चंद्रशेखर प्रभावती कृष्णराव बावनकुळे
- अहिल्यानगर: राधाकृष्ण सिंधुताई एकनाथराव विखे-पाटील
- गोंदिया: छगन चंद्रभागा चंद्रकांत भुजबळ
- सांगली: चंद्रकांत (दादा) सरस्वती बच्चू पाटील
- नाशिक: गिरीश गीता दत्तात्रय महाजन
- पालघर: गणेश सुभद्रा रामचंद्र नाईक
- जळगाव: गुलाबराव रेवाबाई रघुनाथ पाटील
- अमरावती: दादाजी रेश्माबाई दगडू भुसे
- यवतमाळ: संजय प्रमिला दुलिचंद राठोड
- रत्नागिरी: उदय स्वरुपा रवींद्र सामंत
- धुळे: जयकुमार नयनकुवर जितेंद्रसिंह रावल
- जालना: श्रीमती पंकजा प्रज्ञा गोपीनाथ मुंडे
- नांदेड: अतुल लिलावती मोरेश्वर सावे
- चंद्रपूर: डॉ. अशोक जनाबाई रामाजी वुईके
- सातारा: शंभुराज विजयादेवी शिवाजीराव देसाई
- मुंबई उपनगर: ॲड. आशिष मिनल बाबाजी शेलार
- वाशिम: दत्तात्रय गिरीजाबाई विठोबा भरणे
- रायगड: कु. आदिती वरदा सुनिल तटकरे
- लातूर: शिवेंद्रसिंह अरुणाराजे अभयसिंहराजे भोसले
- नंदुरबार: ॲड. माणिकराव सरस्वती शिवाजी कोकाटे
- सोलापूर: जयकुमार कमल भगवानराव गोरे
- हिंगोली: नरहरी सावित्रीबाई सिताराम झिरवाळ
- भंडारा: संजय सुशिला वामन सावकारे
- छत्रपती संभाजीनगर: संजय शकुंतला पांडुरंग शिरसाट
- धाराशिव: प्रताप इंदिराबाई बाबुराव सरनाईक
- बुलढाणा: मकरंद सुमन लक्ष्मणराव जाधव (पाटील)
- सिंधुदुर्ग: नितेश निलम नारायण राणे
- अकोला: आकाश सुनिता पांडुरंग फुंडकर
- कोल्हापूर: प्रकाश सुशिला आनंदराव आबिटकर
- गडचिरोली: ॲड. आशिष उमादेवी नंदकिशोर जयस्वाल
- वर्धा: डॉ. पंकज कांचन राजेश भोयर
- परभणी: श्रीमती मेघना दिपक साकोरे-बोर्डीकर
महाराष्ट्र शासनाने दिलेल्या माहितीनुसार, जर काही कारणास्तव या यादीतील मंत्री उपस्थित राहू शकले नाहीत, तर विभागीय मुख्यालयात विभागीय आयुक्त आणि जिल्हा मुख्यालयात जिल्हाधिकारी यांच्या हस्ते ध्वजारोहण करण्यात येईल. या बदलांविषयीची माहिती वेळेनुसार जाहीर केली जाईल.
