माजी आमदार रविंद्र धंगेकर यांचा शिवसेना शिंदे गटात प्रवेश; काँग्रेसला मोठा धक्का
पुणे: पुण्यातील कसबा पेठ विधानसभा मतदारसंघाचे माजी आमदार रविंद्र धंगेकर यांनी सोमवारी शिवसेना शिंदे गटात प्रवेश केला. उपमुख्यमंत्री आणि शिवसेना शिंदे गटाचे मुख्य नेते एकनाथ शिंदे यांच्या प्रमुख उपस्थितीत मुक्तागिरी बंगल्यावर हा पक्षप्रवेश पार पडला.
रविंद्र धंगेकर यांना पुण्यातील लोकप्रिय नेते म्हणून ओळखले जाते. आपल्या कामातून त्यांनी लोकसेवकाची वेगळी ओळख निर्माण केली आहे. त्यांच्या पक्षप्रवेशावेळी उपमुख्यमंत्री शिंदे यांनी त्यांचे स्वागत करताना म्हटले, “आता शिवसेनेत आला आहात, त्यामुळे सगळ्यांना कळेल ‘हु इज धंगेकर?’”
हे देखील वाचा: पीएम किसानची बनावट लिंक; शेतकऱ्यांच्या खात्यातून रक्कम गायब
कार्यकर्त्यांचा उत्साह: धंगेकर यांच्या पक्षप्रवेशावेळी त्यांच्या कार्यकर्त्यांनीही शिवसेनेचा भगवा हाती घेतला. या सर्वांचे उपमुख्यमंत्री शिंदे यांनी पक्षात स्वागत केले आणि भावी वाटचालीसाठी शुभेच्छा दिल्या.
काँग्रेसला मोठा धक्का: रविंद्र धंगेकर यांच्या पक्षांतरामुळे काँग्रेसला मोठा धक्का बसला आहे. कसबा पेठ मतदारसंघात काँग्रेससाठी हा मोठा राजकीय धक्का मानला जात आहे.
राजकीय समीकरणे बदलणार? धंगेकर यांच्या शिवसेनेत प्रवेशामुळे पुण्यातील राजकीय समीकरणे बदलण्याची शक्यता वर्तवली जात आहे. त्यांच्या लोकप्रियतेचा फायदा शिवसेनेला होईल, असा अंदाज व्यक्त केला जात आहे.
