नवीन वर्षाच्या पहिल्या दिवशी ७ नियमांत बदल; सामान्य नागरिकांच्या खिशावर होणार का परिणाम?
दिल्ली: आजपासून नवीन वर्षाची सुरुवात झाली आहे. नवीन वर्षात अनेक नियम बदलले आहेत. याचा परिणाम सामान्य नागरिकांच्या खिशावर होणार आहे. यामध्ये एलपीजी गॅसच्या किंमतींमध्ये बदलापासून ते ईपीएफओच्या नियमांमध्ये बदल यांचा समावेश आहे. त्यामुळे घरगुती गॅसपासून निवृत्त नागरिकांच्या खिशावर याचा परिणाम होईल.
एलपीजीच्या(LPG) किंमती
नवीन वर्षाच्या सुरुवातीला नागरिकांसाठी एक दिलासा देणारी बातमी आहे. नवीन वर्षात एलपीजी गॅसच्या किंमती कमी झाल्या आहेत. तसेच, व्यावसायिक गॅसच्या किंमती देखील कमी झाल्या आहेत.
ईपीएफओचे (EPFO) नियम
नवीन वर्षात पेंशनधारकांसाठी नियम बदलले आहेत. आता पेंशनधारक कोणत्याही बँक खात्यातून पैसे काढू शकतात. पूर्वी, पेंशन फक्त नोंदणीकृत बँक खात्यांमधूनच काढता येत होते.
यूपीआई(UPI) मर्यादा
नवीन वर्षात UPI 123 वर व्यवहाराची मर्यादा वाढवण्यात आली आहे. आता आपण एका वेळी जास्तीत जास्त १०,००० रुपये पाठवू शकता. पूर्वी ही मर्यादा ५,००० रुपये होती.
रुपे कार्डधारकांसाठी लाउंज सुविधा
RuPay क्रेडिट कार्डधारकांना आता विमानतळावरच्या लाउंजचा मोफत वापर करता येईल. यामुळे जे प्रवासी सतत परदेश प्रवास करतात त्यांना खूप फायदा होईल.
हे देखील वाचा: शिरूर लोकसभा मतदारसंघातील गुन्हेगारी चिंताजनक
एनबीएफसी निश्चित ठेवीच्या नियमांमध्ये बदल
१ जानेवारीपासून एनबीएफसी निश्चित ठेवीसाठी नवीन नियम लागू झाले आहेत. यामध्ये परिपक्वतेपूर्वी ठेवींच्या मोचनाबरोबरच ठेवींसाठी नामांकनाचे नियम देखील समाविष्ट आहेत.
आयकर नियम
२०२५च्या बजेट सत्रात आयकरावर मोठा निर्णय होण्याची शक्यता आहे. हे नवीन नियम कर सवलत आणि कर कपातीमध्ये बदल आणतील. कर कपातीमुळे नागरिकांना लाभ होण्याची शक्यता आहे.
या फोनवर व्हाट्सअॅप बंद होईल
१ जानेवारीपासून काही अँड्रॉइड स्मार्टफोनवर व्हाट्सअॅप बंद होणार आहे. सुमारे २० फोनवर व्हाट्सअॅप बंद होणार आहे. व्हाट्सअॅप सेवा अँड्रॉइड ५.० आणि नवीन अँड्रॉइड स्मार्टफोनवर चालू राहील.
