मकरसंक्राती निमित्त महाराष्ट्र राज्य पत्रकार महासंघ जुन्नर तालुका यांचेवतीने शिवांजली विद्यार्थी वसतीगृहात शैक्षणिक साहित्य व तिळगुळ वाटप; विद्यार्थ्यांच्या शिक्षणासाठी पत्रकार महासंघाचा पुढाकार
पिंपळवंडी: महाराष्ट्र राज्य पत्रकार महासंघ जुन्नर तालुका यांचेवतीने मकरसंक्रातीनिमित्ताने चाळकवाडी ( ता जुन्नर) येथील शिवांजली विद्यार्थी वसतीग्रुहामधील विद्यार्थ्यांना शैक्षणिक साहित्य व तिळगुळ वाटप करण्यात आले.
महाराष्ट्र राज्य पत्रकार महासंघाच्यावतीने पत्रकार संघाचे राज्य अध्यक्ष डाॅ समीर राजे यांच्या मार्गदर्शनाखाली सामाजिक बांधिलकीची भावना जपत नेहमीच विविध प्रकारचे सामाजिक उपक्रम राबविले जातात. या उपक्रमांपैकीच एक उपक्रम म्हणून चाळकवाडी येथील शिवांजली विद्यार्थी वसतीग्रुहात शिक्षण घेत असलेल्या गरीब व अनाथ मुलांना गुळगुळीत वाटप करण्यात आले. तसेच पत्रकार महासंघाचे खजिनदार डाॅ जालिंदर वाजे व मंगलताई वाजे यांच्यावतीने विद्यार्थ्यांना शालेय साहित्य वाटप करण्यात आले.
यावेळी शिवांजली विद्या निकेतनचे मुख्याध्यापक भानुदास चासकर, डाॅ जालिंदर वाजे, गंगाराम औटी यांनी विद्यार्थांना मार्गदर्शन केले या प्रसंगी पत्रकार संघाचे जुन्नर तालुका अध्यक्ष बाबाजी टाकळकर, उपाध्यक्ष चंद्रकांत औटी, डाॅ जालिंदर वाजे, गंगाराम औटी, अशोक कोरडे, सुदर्शन मंडले, प्रज्योत फुलसुंदर, किशोर वारूळे, केतन ताम्हाणे, विजय चाळक, जुन्नर तालुका डाॅक्टर असोसिएशनचे अध्यक्ष डाॅ मनोज काचळे, सामाजिक कार्यकर्ते बाळासाहेब वामन,
शिवांजली विद्यालयाचे मुख्याध्यापक भानुदास चासकर, वसतीग्रह व्यवस्थापक अण्णासाहेब घुले, वसतीग्रुह अधिक्षक निव्रुत्ती भांगे आदी मान्यवर उपस्थित होते.
