Champions Trophy Final: भारत आणि न्यूझीलंड २५ वर्षांनी पुन्हा आमने-सामने; जेतेपदाची अंतिम लढत केव्हा, कुठे?
भारत आणि न्यूझीलंड २५ वर्षांनी चॅम्पियन्स ट्रॉफीच्या अंतिम सामन्यात पुन्हा आमने-सामने येणार. ९ मार्च २०२५ रोजी दुबईमध्ये होणार हा ऐतिहासिक सामना.
न्यूझीलंडने दक्षिण आफ्रिकेला पराभूत करून २०२५ चॅम्पियन्स ट्रॉफीच्या अंतिम फेरीत स्थान मिळवले आहे, आणि आता अंतिम सामन्यात भारताचा सामना न्यूझीलंडशी होणार आहे.
भारत आणि न्यूझीलंड २५ वर्षांनी पुन्हा चॅम्पियन्स ट्रॉफीच्या अंतिम सामन्यात आमने-सामने असणार आहेत.
५ मार्च २०२५ रोजी लाहोरच्या गद्दाफी स्टेडियमवर न्यूझीलंडने दक्षिण आफ्रिकेला ५० धावांनी पराभूत करत अंतिम फेरीत प्रवेश केला. भारताने ४ मार्च रोजी ऑस्ट्रेलियाला पराभूत करत अंतिम सामन्यात स्थान मिळवले होते. त्यामुळे अंतिम सामना भारत आणि न्यूझीलंड यांच्यात होणार आहे.
न्यूझीलंडने चॅम्पियन्स ट्रॉफीच्या अंतिम सामन्यात स्थान मिळवण्याची तिसरी वेळ आहे. यापूर्वी २००० आणि २००९ मध्ये त्यांना अंतिम सामन्यात स्थान मिळालं होतं. तर भारत हा पाचव्यांदा आणि सलग तिसऱ्यांदा चॅम्पियन्स ट्रॉफीच्या अंतिम सामन्यात खेळणार आहे. भारताने यापूर्वी २०००, २००२, २०१३ आणि २०१७ साली चॅम्पियन्स ट्रॉफीच्या अंतिम सामन्यात सहभाग घेतला होता.
२५ वर्षांनी दोन्ही संघ पुन्हा एकत्र
२००० साली भारत आणि न्यूझीलंड हे दोन्ही संघ चॅम्पियन्स ट्रॉफीच्या अंतिम सामन्यात एकत्र होते. त्यावेळी केनियात झालेल्या सामन्यात न्यूझीलंडने भारताला पराभूत करत चॅम्पियन्स ट्रॉफी जिंकली होती. आता २५ वर्षांनंतर हे दोन संघ एकमेकांविरुद्ध अंतिम सामन्यात एकत्र येत आहेत, आणि हे मुकाबला खूप ऐतिहासिक ठरायला जाणार आहे.
हे देखील वाचा: चॅम्पियन्स ट्रॉफी 2025: उपांत्य फेरीत भारतीय संघाने पद्माकर शिवलकर यांना श्रद्धांजली अर्पण केली
चॅम्पियन्स ट्रॉफी फाइनल २०२५: कुठे आणि केव्हा होणार सामना?
चॅम्पियन्स ट्रॉफी २०२५ स्पर्धेचे मुख्य आयोजक पाकिस्तान क्रिकेट बोर्ड असले तरी, ही स्पर्धा हायब्रिड मॉडेलवर आधारित आहे. भारतीय संघ अंतिम सामन्यात खेळणार असल्याने हा सामना दुबईतील आंतरराष्ट्रीय स्टेडियमवर होईल. सामना ९ मार्च २०२५ रोजी भारतीय प्रमाणवेळेनुसार दुपारी २:३० वाजता सुरू होईल.
टेलिव्हिजन आणि ओटीटीवर लाईव्ह प्रसारण:
भारत आणि न्यूझीलंड यांच्यात होणारा अंतिम सामना भारतात स्टार स्पोर्ट्स आणि स्पोर्ट्स १८ चॅनेल्सवर पाहता येईल. तसेच, जिओहॉटस्टार या ओटीटी ऍप किंवा वेबसाईटवरही हा सामना लाईव्ह पाहता येईल.
कॅम्पियन्स ट्रॉफीचे इतिहास:
न्यूझीलंडने २००० साली चॅम्पियन्स ट्रॉफी जिंकली होती, तर भारताने २००२ मध्ये श्रीलंकेसह संयुक्त विजेतेपद मिळवले आणि २०१३ मध्येही चॅम्पियन्स ट्रॉफी जिंकली. आता, २०२५ मध्ये न्यूझीलंडला दुसऱ्यांदा, तर भारताला तिसऱ्यांदा चॅम्पियन्स ट्रॉफी जिंकण्याची संधी आहे.
