बहिण-भावंडांची ह्रदय शस्त्रक्रिया यशस्वी; राष्ट्रीय बाल स्वास्थ्य कार्यक्रमामुळे जीवनदान
पुणे जिल्हा: धामणे येथील जिल्हा परिषद प्राथमिक शाळेतील दोन भावंडांची ह्रदय शस्त्रक्रिया राष्ट्रीय बाल स्वास्थ्य कार्यक्रम (RBSK) अंतर्गत यशस्वी झाली आहे. शाळेतील मनोज चित्ते (वय 7) आणि समीक्षा मनोज चित्ते (वय 9) अशी या भावंडांची नावे आहेत. शाळेचे मुख्याध्यापक धर्मराज पवळे यांनी ही माहिती दिली.
आरबीएसके पथक क्र.1 च्या डॉक्टरांनी शाळेत विद्यार्थ्यांची तपासणी करत असताना या दोन्ही मुलांच्या ह्रदयात काही समस्या असल्याची शंका घेतली. शाळेच्या पथकाने याबाबत माहिती शाळेच्या मुख्याध्यापक व शिक्षकांना दिली. शाळेचे मुख्याध्यापक धर्मराज पवळे आणि इतर शिक्षकांनी हा मुद्दा मुलांचे वडील मनोज चित्ते यांना सांगितला. तथापि, पालकांना उपचारांसाठी रुग्णालयात घेऊन जाण्याची परिस्थिती नव्हती. यावर शाळेच्या शिक्षकांनी पुढाकार घेत आणि दोन्ही मुलांना पुण्यातील ज्युपिटर रुग्णालयात पोहोचवले.
तिथे करण्यात आलेल्या निदानानुसार, दोन्ही मुलांना ह्रदय शस्त्रक्रियांची आवश्यकता असल्याचे समजले. शाळेच्या शिक्षकांनी पालकांना योग्य मार्गदर्शन केले, त्यांची मानसिक तयारी केली आणि आवश्यक कागदपत्रांची पूर्तता करण्यात मदत केली. अखेर, ज्युपिटर रुग्णालय, बाणेर, पुणे येथे या दोघांची ह्रदय शस्त्रक्रिया यशस्वीरित्या पार पडली.
हे देखील वाचा: चॅम्पियन्स ट्रॉफी 2025: उपांत्य फेरीत भारतीय संघाने पद्माकर शिवलकर यांना श्रद्धांजली अर्पण केली
वैद्यकीय अधिकारी डॉ. अमोल पारधे यांनी सांगितले की, दोघांचीही प्रकृती उत्तम असून स्थिर आहे. आरबीएसके खेड पथक क्रमांक 1 च्या वैद्यकीय अधिकारी डॉ. अमोल पारधे, डॉ. स्नेहा भोंडवे, औषधनिर्माण अधिकारी रेश्मा भुजबळ, परिचारीका सुवर्णा साळवे, जिल्हा समन्वयक आशिष पुरनाळे आणि शाळेचे शिक्षक मंगल पिंगळे, अमर केदारी, गोरख नवले, धर्मराज पवळे यांनी रुग्णालयात विशेष काळजी घेतली.
या यशस्वी शस्त्रक्रियेच्या परिणामी, दोन भावंडांना त्यांच्या जीवनाच्या संधीला नवा आरंभ मिळाला आहे. शाळेच्या शिक्षकांच्या मदतीमुळे ही घटना समाजातील इतरांसाठी एक प्रेरणा बनली आहे.
