उपाध्यक्ष पदी चंद्रकांत औटी आणि अशोक कोरडे यांची बिनविरोध निवड
महाराष्ट्र राज्य पत्रकार महासंघाच्या जुन्नर तालुका कार्यकारी समितीची नुकतीच घोषणा करण्यात आली आहे. बाबाजी टाकळकर यांची अध्यक्ष म्हणून निवड झाली असून, चंद्रकांत औटी आणि अशोक कोरडे यांची उपाध्यक्ष म्हणून निवड करण्यात आली आहे. कांदळी (जुन्नर) येथे आयोजित जंबो कार्यकारी समितीच्या बैठकीत ही घोषणा करण्यात आली. महाराष्ट्र राज्य पत्रकार महासंघाच्या जुन्नर तालुका कार्यकारिणी बैठकीत तालुका माजी अध्यक्ष सुधाकर सैद, सचिव किशोर वारुळे, सचिन भोर आणि भाऊसाहेब वायकर, गंगाराम औटी यांच्या सहकार्याने निवड प्रक्रिया पार पडली. या प्रसंगी महाराष्ट्र राज्य पत्रकार महासंघाचे प्रदेश अध्यक्ष डॉ. समोर राजे यांनी उपस्थित पत्रकारांचे मार्गदर्शन केले.
या वेळी समर्थ भारतच्या संपादक स्नेहा बारवे, आंबेगाव तालुका माध्यमिक शिक्षण संघाचे अध्यक्ष भगवान भोर आणि जुन्नर तालुक्यातील 29 पत्रकार उपस्थित होते.
नवीन कार्यकारिणी 2024-2025
- अध्यक्ष: बाबाजी टाकळकर
- उपाध्यक्ष: चंद्रकांत औटी, अशोक कोरडे
- कार्याध्यक्ष: मयूर ढोबळे
- सचिव: विजय बोंबले
- कोषाध्यक्ष: डॉ. जालिंदर वाजे
- संपर्क प्रमुख: राहुल तांबे
- प्रसिद्ध प्रमुख: मिथुन मोजाड
- आयोजक: गंगाराम औटी , केतन ताम्हाणे, स्नेहल औटी
- कानूनी सल्लागार: गौरव रोकडे
- योजना समिती अध्यक्ष: मनोहर हिंगणे
- कार्यकारी समिती अध्यक्ष: सुदर्शन मंडले
- विभागीय अध्यक्ष:
- आळेफाटा: गंगाराम औटी
- ओतूर: दुष्यंत बनकर
- जुन्नर: अक्षय डोके
- नारायणगाव: रामकृष्ण भागवत
हे देखील वाचा: नवीन वर्षात 3500 नवीन लालपरी बसेसचा समावेश होणार: भरत गोगवले
महाराष्ट्र राज्य पत्रकार संघाच्या जुन्नर तालुका कार्यकारिणीचे कार्य आणि कार्यकारिणीच्या सर्व सदस्यांमध्ये असलेले अचूक समन्वय व सलोखा उल्लेखनीय आहेत. गेल्या तीन वर्षांत कोणत्याही वाद किंवा अनुचित संघर्षाशिवाय कार्यकारी निवडणुका सुरळीतपणे आयोजित केल्याबद्दल विशेष कौतुक. सर्व नवनिर्वाचित पदाधिकाऱ्यांना हार्दिक शुभेच्छा व भविष्यासाठी शुभेच्छा…
डॉ. समीर राजे, प्रदेश अध्यक्ष
महाराष्ट्र राज्य पत्रकार महासंघाच्या जुन्नर तालुका कार्यकारिणी समितीमध्ये आम्ही सर्व पत्रकार बंधू येत्या काळात विविध उपक्रम राबवू आणि छत्रपती शिवाजी महाराजांच्या आशीर्वादाने जुन्नर तालुक्यातील सर्व पत्रकार बंधू जुन्नर तालुका कार्यकारिणी समितीला पुढे नेतील. येत्या वर्षात महाराष्ट्र राज्यात नंबर एक स्थानी येऊ.
बाबाजी टाकळकर , अध्यक्ष, जुन्नर तालुका
