केंद्रीय गृहमंत्री अमित शहा 22 फेब्रुवारीला पुण्यात; पश्चिम विभागीय बैठकीचे अध्यक्षपद भूषवणार
पुणे: केंद्रीय गृहमंत्री अमित शहा येत्या 22 फेब्रुवारीला पुण्यात पश्चिम विभागीय बैठकीचे अध्यक्षपद भूषवणार आहेत. या बैठकीत महाराष्ट्र, गुजरात, गोवा, दादरा आणि नगर हवेली तसेच दमण-दीव येथील अधिकारी सहभागी होतील. बैठक कोरेगाव पार्क भागातील एका पंचतारांकित हॉटेलमध्ये आयोजित करण्यात आली आहे.
या निमित्ताने जिल्हा प्रशासनाने तयारी सुरू केली आहे. महापालिकेचे अतिरिक्त आयुक्त पृथ्वीराज बी. पी. यांची नोडल अधिकारी म्हणून नियुक्ती करण्यात आली आहे. त्यांच्या मार्गदर्शनाखाली जिल्हा आणि महापालिका प्रशासनाच्या 11 अधिकार्यांवर विविध जबाबदार्या सोपविण्यात आल्या आहेत.
अमित शहा यांच्या पुणे दौर्यात राजकीय कार्यक्रम होणार का, याबाबत अद्याप कोणतीही अधिकृत माहिती उपलब्ध नाही. मात्र, भाजपच्या स्थानिक नेत्यांकडून शहा यांचा कार्यक्रम आयोजित करण्याचे प्रयत्न सुरू असल्याचे सूत्रं सांगत आहेत.
हे देखील वाचा: येरवडा-कात्रज भुयारी मार्गाचा प्रस्ताव तातडीने सादर करा; मुख्यमंत्री फडणवीस यांचे निर्देश
या बैठकीत प्रशासकीय समन्वय, सुरक्षा आणि प्रदेशातील विकास याविषयी चर्चा होणार असल्याचे अपेक्षित आहे. पुणे प्रशासनाने सुरक्षेच्या दृष्टिकोनातूनही सर्व आवश्यक तयारी केली आहे.
ही बैठक पश्चिम भारतातील राज्यांमधील समन्वय वाढविण्यासाठी महत्त्वाची ठरू शकते. अमित शहा यांच्या नेतृत्वाखाली या बैठकीतून काही निर्णयात्मक घोषणा होण्याची शक्यता आहे.
