जुन्नर:- शिरोली बुद्रुक (ता. जुन्नर) येथे एका अल्पवयीन 1 वर्षाच्या मुलावर अनैसर्गिक अत्याचार करणाऱ्या आरोपीला 20 वर्षे सक्तमजुरीची शिक्षा ठोठावण्यात आली आहे. राजगुरुनगर येथील जिल्हा व अतिरिक्त सत्र न्यायालयाचे न्यायाधीश एस. पी. पोळ यांनी मंगळवारी (दि. 9) हा निर्णय दिला. कपिल उर्फ जालिंदर मनोहर नायकोडी (वय 32, रा. ताजेवाडी, शिरोली बुद्रुक, ता. जुन्नर) असे शिक्षा झालेल्या आरोपीचे नाव आहे.
1 जानेवारी 2022 रोजी पीडित 1 वर्षाचा मुलगा व्यायामशाळेत व्यायामासाठी गेला होता. तो एकटा व्यायाम करत असताना आरोपी तेथे आला. त्याने व्यायामशाळेचा दरवाजा आणि खिडक्या बंद करून मुलावर अनैसर्गिक अत्याचार केला. पीडितेच्या पालकांनी जुन्नर पोलीस ठाण्यात फिर्याद दिली होती. त्यानुसार कपिलवर गुन्हा दाखल करण्यात आला होता. तपास अधिकारी पोलीस उपनिरीक्षक ए. एस. पाटील यांनी तपास केला.
हा खटला न्यायाधीश एस. पी. पोळ यांच्या समोर सुरु होता. या खटल्यात सरकारी पक्षाच्यावतीने विशेष सरकारी अभियोक्ता विवेकानंद देशपांडे यांनी 9 साक्षीदारांची साक्ष घेतली. तर बचाव पक्षाच्या वतीने 2 साक्षीदारांची साक्ष झाली. पीडित मुलगा आणि डॉक्टरांची साक्ष कोर्टाने ग्राह्य धरून आरोपीस दोषी ठरवले. पोलीस अधिकारी हवालदार महेश भालेराव यांनी या प्रकरणात मदत केली.
