जम्मू-काश्मीरमध्ये भारतीय लष्कराच्या ट्रकचा भीषण अपघात; 300 फूट खोल दरीत 5 जवानांचा दुर्दैवी मृत्यू
श्रीनगर:जम्मू-काश्मीरमध्ये मंगळवारी भारतीय लष्कराच्या ट्रकला अपघात झाला. मिळालेल्या माहितीनुसार, पुंछमध्ये लष्कराचा एक ट्रक सुमारे 300-350 फूट खोल खड्ड्यात पडला आहे. या अपघातात 5 जवान शहीद झाल्याची बातमी आहे. 5 जवान जखमी झाल्याचेही सांगण्यात येत आहे. लष्कराने बचावकार्य सुरू केले आहे. रिपोर्टनुसार, नीलम मुख्यालयाकडून बलनोई घोरा पोस्टच्या दिशेने जाणारा ११ एमएलआयचा लष्करी ट्रक घोरा पोस्टजवळ येताच अपघात झाला. बचाव पथकाने पाचही मृतदेह बाहेर काढले आहेत.
हे देखील वाचा: ख्रिसमसची संध्याकाळ इतकी खास का आहे? या 7 पाककृती तुम्हाला का दाखवतील
लष्कराचा ट्रक खोल खड्ड्यात पडल्याची माहिती मिळताच 11 एमएलआयची क्विक रिस्पॉन्स टीम (क्यूआरटी) घटनास्थळी पोहोचली. यानंतर बचावकार्य सुरू करण्यात आले. रिपोर्टनुसार, ट्रकमध्ये 8 सैनिक होते. हे सर्वजण 11 मराठा रेजिमेंटचे असून ते नियंत्रण रेषेकडे (LOC) जात होते.
दरम्यान, पूंछ सेक्टरमध्ये ऑपरेशनल ड्युटीवर असताना झालेल्या अपघातात 5 जवानांच्या मृत्यूबद्दल व्हाईट नाइट कॉर्प्सने तीव्र शोक व्यक्त केला आहे. व्हाईट नाइट कॉर्प्सने सांगितले की, बचाव कार्य सुरू आहे. जखमी जवानांवर उपचार सुरू करण्यात आले आहेत.
यापूर्वी ४ नोव्हेंबर रोजी राजौरी येथे दोन नाईक सैनिकांना रस्ता अपघातात प्राण गमवावे लागले होते. २ नोव्हेंबरला रियासी जिल्ह्यात कार खड्ड्यात पडून ३ जणांचा मृत्यू झाला.
